LEGAZPI CITY-Naglangkaw an numero kan mga turista sa pigkokonsiderang ‘safe viewing sight’ kan Mayon Volcano sa Highlands Park sa ciudad kan LegazpI.
Segun ki James Alejandro Tawag, an Operation Manager kan Highlands Park, sa intrevista kan Bombo Radyo Legazpi, na nagdagdag nin 5% an nagbibisita sa sainda maski pa warang aktibidad an Bulkang Mayon.
Dagdag pa niya na, kadakol ngonian sa mga turista an mawot mahiling an aktibidad kan Bulkan, alagad kun minsan dai ini masyadong nahihiling huli ta natatakupan kan mga dampog.
Kadifisilan sana suboot an malipot na temperatura sa nasabing atraksyon kun sain nagkakaigwa minsan nin zero visibility.
Pigsisierto man ninda na safe an pagdalan kan aktibidad kan Mayon asin pigeenganyar an publiko na magbisita sa lugar para sa iba pang mga atraksyon.
