Napag-araman na kan Philippine Coast Guard (PCG) an lokasyon kan M/V Trisha Kerstin 3.
Segun sa PCG, nahiling an barko sa irarom kan kadagatan sa bisinidad kan Baluk-Baluk Island.
Dugang pa kaini, sa joint search and rescue team na kompwesto kan mga ahensya kan gobyerno asin volunteer fishermen, may nakuwa man sindang bangkay.
Puminakol na sa presente sa 43 an numero kan mga nagadan sa insidente mantang nagtitinir man sa 316 an numero kan mga nakaligtas.
Magigirumduman na naglubog an barko sa kadagatan kan Basilan kan maagahon kan Enero 26, huli kaini pigsuspendir kan Maritime Industry Authority (MARINA) an operasyon kan Aleson Shipping Lines, an kumpanya na kagsadiri kan nasabing barko.
 has located the M/V Trisha Kerstin 3.){kind=link}