Mawot ni Presidente Ferdinand Marcos Jr. na saro sa magigin legasiya kan saiyang administrasyon ang pagpasar sa anti-political dynasty bill.
Segun ki Palace Press Officer Atty. Claire Castro, puspusan an pag-aadal kan Malacañang kun pano maipasar an propwestong ley urog na sa mga probisyon na magbabawak sa magkaparientes na magkapot nin mga puwesto sa gobyerno.
Segun ki Castro, importante sa Presidente na maaraman an mga probisyon nganing magin preparado an kaluluwasan kan anti-dynasty bill.
Sinabi kan opisyal na kan bulan nin Enero an nagkaigwa nin meeting asin ini an enot na diniskotir sa Malacañang.
Sa pagtubod man ni Executive Secretary Ralph Recto, posibleng maipasar an anti-political dynasty bill bago an 2028 elections.
