Kinumpirma ni Iran Supreme Leader Ayatollah Ali Khamenei kan Sabado (local time) na rinibong mga tawo an nagadan sa mga dai pa sana nahahaloy na protesta sa Iran, na ilinaladawan an nagkapira sa mga nagadan bilang sarong “inhuman, savage manner.”
An madahas na demonstrasyon an kasunod kan mga protesta na nagpoon kan Disyembre 28 huli sa mga problema sa ekonomiya kan Iran asin mga pangapudan para sa pagtapos kan liderato ni Khamenei.
Susog sa US-based Iranian Human Rights Activists News Agency (HRANA), dai mababa sa 3,090 katawo an nagadan sa mahiwasang mga protesta, mantang an nagkapirang grupo nin mga aktibista nagkakarkulo nin mas halangkaw na numero.
Sa ibong kan aminado an envoy na nadidipisilan pa sindang kumpirmaron an eksaktong numero huli sa mga internet blackouts.
Sa ibong na lado, binasol ni Khamenei an Estados Unidos sa kariribokan, na inapod si U.S. President Donald Trump na sarong “kriminal” asin nagsasabi na an katuyuhan kan Amerika iyo an “lamunon sa Iran.”
Idinagdag kan Supreme Leader na an Estados Unidos dapat na manimbag sa kariribokan sa Iran.
Ginibo ni Khamenei an pahayag makalihis na enot na ipigsuhestyon ni Trump na an mga Iranian padagos na magprotesta kasunod kan huma nin pagbalos kan Amerika kun an mga paggadan kan mga Iranian security forces magpadagos.
Kan Miyerkules, sinabi ni Trump na nadangog niya na an paggadan sa Iran nagpundo na, alagad dai niya pigsantabi an posibleng aksyon sa maabot na panahon.
Inapod kan gobyerno kan Iran an mga demonstrasyon na “riots” na suboot pinonan kan mga kaiwal kan nasyon, na nagpipirit sa mga security forces na gumamit nin madahas na pwersa, na may mga bareta na nagpapahiling nin mga video nin mga pambabadil.
 that thousands of people have been killed in recent protests in Iran, describing some of the deaths as an “inhuman, savage manner.”){kind=link}