LEGAZPI CITY-Presenteng nasa nasa evacuation center an labi sa 200 na pamilya sa Barangay Matnog Daraga Albay huli sa huma kan lahar flow.
Segun kay SK Chairman Kenny Pinto, sa intrevista kan Bombo Radyo Legazpi na nasa maayos na kondisyon an saindang mag residente sa saindang evacuation area.
Poon Enero 16, nasa 226 na pamilya o 607 na mga indibidwal an naebakwar sa Daraga National High School.
Pinakakaipuhan suboot ninda sa ngonian an mga pagkakan siring kan bagas asin relief goods.
Dugang pa kan opisyal na preparado man suboot an saindang residentes kun sain nagkapira sa mga ini an may darang mga tinda hale sa saindang sari-sari store.
Nasa maayos man na kondisyon an saindang mga rooms asin may mga palikuran kun sain bako hassle para sa mga residente.
Kadifisilan sana suboot an paghandle kan mga evacuees kun sain kinakaipuhan sindang asikasuhon.
Mientrastanto, dai man pigseparar an mga PWD’s asin senior citizens sa mga evacuation ngani igwang magasikaso sa sainda.
Piglalaoman man kan opisyal na makauli an mga residente asin nagpagirumdom sa gabos na an pirmihang magingat.
