LEGAZPI CITY- Nagtetenir na normal asin regular an operasyon kan mga flights sa Bicol International Airport sa tahaw kan aktibidad kan bulkang Mayon.
Segun ki Bicol International Airport Acting Manager Roland Bocito sa intrevista kan Bombo Radyo Legazpi na an nakalihis na pagka octaba kan flights kan nakalihis na Lunes an huli sa sitwasyon kan panahon asin bako huli sa bulkan.
Marurumduman na igwang mga insidente kan nakalihis na mga flights na igwang dae nakapag landing huli sa nagkapirang isyu.
Alagad padagos man liwat na pigpapa ibitar an mga aircrafts na magrani sa bulkang Mayon.
Sinabi kan opisyal na kinakaipuhan kan mga pasahero na regular na i-check an saindang mga flights sa mga airlines ngani na magin updated sa saindang biyahe.
Dugang pa kan opisyal na sa presente, nasa 12 hasta 13 na mga flights an igwang sa nasabing erpuerto kada aldaw.
