LEGAZPI CITY – Ipina-otob na kan Albay Police Provincial Office (PPO) an 24/7 na border control checkpoints sa mga lugar na nakapalibot sa Bulkang Mayon na presenteng nasa alert level 2.
Segun ki Albay PPO Provincial Director Police Colonel Noel Nuñez sa intrevista kan Bombo Radyo Legazpi na maabot sa 125 na mga kapulisan an nakabantay sa borders kan Tabaco City, Ligao City, Daraga, Camalig, Guinobatan, Sto. Domingo, asin Legazpi City.
Pagdoon niya man na may nakapreparar na an saindang ofisina nin contingency plan enkaso magtaas an alert level kan bulkan o depende sa ipapaluwas na abiso kan Philippine Institute of Volcanology and Seismology (PHIVOLCS).
May mga residentes man kan provincia na naka-istar sa laog kan 6KM permanent danger zone an boluntaryong nag-ebakwar para sa saindang kaligtasan mantang puga-puga na man an saindang pagtatao nin abiso sa mga residenteng naka-istar sa extended danger zone na magpreparar enkaso kaipuhaon na mag-ebakwar.
Ikinaugma man kan opisyal an ipigpapahiling na kooperasyon asin pakikipagtabangan kan namamanwaan sa mga siring kaining panahon nganing mamantenir man liwat an pazy orden sa ibong kan mga aktibidades kan bulkan.
Huli man suboot na nasa alert level 2 pa an status kan bulkan, pigtutugutan pa ninda an mga residenteng naka-istar sa laog kan 6KM permanent danger zone na bisitahon an saindang harong asin i-harvest an saindang mga pananom na pwedesir nang kaunon o ipabakal.
Nagpasalamat man si Nuñez sa mga Local Government Unit huli sa ipigtataong suporta asin asistensya sa saindang mga kapulisan na nagsasagibo nin mga lakdang nganing mamantenir an seguridad sa provincia kan Albay.
 has already implemented 24/7 border control checkpoints in the areas around Volcano Mayon which is currently at alert level 2.){kind=link}