Kumpirmado kan kaparientes na binawian nin buhay si Dueñas, Iloilo Vice Mayor Aimee Paz Lamasan mantang pigbubulong sa ospital ngonian na Disyembre 31, 2025.
Si Lamasan an isinairarom sa ikaduwang operasyon makalihis magsapo nin tama nin bala sa toong parte kan tulak huli sa suboot accidental firing sa laog kan saiyang residencia sa Puerto Real de Iloilo Subdivision, La Paz, Iloilo City kan Disyembre 30, pasado alas-7 nin aga.
Susog sa report, tulos na dinara sa ospital ang bise alkalde asin nagsairarom sa operasyon nganing maisalbar an saiyang buhay.
Siring man, dae na siya nakaligtas sa komplikasyon hale sa lugad na sinapar.
An saiyang bilglaang pagkagadan an nagkawsa nin labing pagkamondo sa mga namamanwaan asin kapwa opisyal sa provincia.
Padagos man na pig-imbestigaran kan mga otoridad an insidente nganigng maaraman an eksaktong pangyayari sa laog kan saiyang residencia.
