LEGAZPI CITY – Sinamantala kan sarong transport group an pagdakol kan mga mananakay kan kasagsagan kan kapaskuhan.
Alagad segun ki Pagkakaisa ng mga Samahan ng Tsuper at Operator Nationwide (PISTON) President Mody Floranda sa intrevista kan Bombo Radyo Legazpi na nagkawsa man an pagdagsa kan mga mananakay nin paggabat sa sitwasyon kan trapiko.
Sa kagayunan suboot an naiselebrar man kan mga driver asin saindang pamilya an kapaskuhan sa paagi kan pamamasada.
Paninindugan niya man na sa ibong kan pagruso kan mga pasahero, dae nagigin supisyente ini sa kantidad na nababawas sa sainda huli sa padagos na pagtaas kan presyo kan produktong petrolyo urog nang haros P900 kada aldaw na an nawawara sa sainda.
Saro pa sa pigpo-problema kan opisyal iyo an padagos na pagtaas kan presyo kan mga pangenot na babarakalon na napapasa sa mga commuter an pasakit.
Naglalaom man siya na magpapadagos an pagruso kan mga mananakay urog na an mga mabakal kan mga kakaipuhanon sa medianoche asin sa bagong taon.
Nangapodan man siya sa mga jeepney driver na syertuhong nasa maray na kamugtakan an saindang behikulo asin an saindang mga sadiri nganing malikayan an anumang klase nin aksidente ngonian na holiday season.
 President Mody Floranda in an interview with Bombo Radyo Legazpi, the influx of passengers has also caused the traffic situation to worsen.){kind=link}