LEGAZPI CITY-Nagdeploy an an Bureau of Fire Protection Bicol nin nasa 2,600 na mga personahes sa 114 municipal stations sa rehiyon bilang tugon sa posibleng mga emerhensya ngonian na holiday season.
Segun kay Bureau of Fire Protection Bicol Public Information Officer Senio Fire Officer 3 Cherrie M. Brigola, sa intrevista kan Bombo Radyo Legazpi, na poon kan Disyembre 1, ipinaotob na ninda an “Oplan Paalala Iwas Paputok” kun sain mas pinahigot ninda an kampanya para sa ligtas na pagsabat kan Kapaskuhan asin Bagong Taon.
Dagdag pa kan opisyal na pigpapaotob an mas mahigot na kampanya ngonian ngani magin handa sa anumang pangyayari o insidente sa mga komunidad orog pang kadakol an “busy” na mga kababayan.
Pirmihan man suboot na pinagpopoonan kan kasulo sa panahon na ini, an mga electricals siring kan mga Christmas lights, mga parol, pailaw, o minsan mga Kandila.
Pagirumdum kan opisyal na siertuhon an salbado an mga ini asin bako substandard, may Import Commodity Clearance (ICC) sticker, asin rehistrado kan Department of Trade and Industry (DTI).
Mas pinahigot man ninda an inspeksyon sa mga establisyemiento pati na sa mga residential units ngani magin ligtas sa kasulo an mga kababayan.
Presente man na aktibo an ahensya sa pag-momonitor sa bilog na rehiyon sa kanya-kanyang probinsya.
