Nakatutok ang Department of Trade and Industry (DTI) sa posibleng pagsikad kan presyo kan mga pangenot na barakalon sa mga merkado kasunod kan sunod-sunod na taas-presyo mga produktong petrolyo ngunyan na Setyembre.
Tulos na sinugo ni Trade Secretary Ma. Cristina Roque an gabos kan saindang opisina sa bilog na nacion na pahewason an pagbabantay sa mga grocery, supermarket, asin lokal na merkado nganing malikayan an bako makatwirang pagtaas nin presyo.
Sienerto kan kalihim na magkakaigwa nin regular asin na-update na report mapadapit sa hiro kan presyo nganing makatugon tulos an ahensya sa anumang pagbabago sa merkado.
Nagpatanid man an DTI sa mga negosyante, merkado asin manufacturers na mahahampang sa magabat na padusa an sisay man na manananamantala o magpapaotob nin artificial shortage asin bako makatwirang price hike.
Sa ibong kan huma, nagtutubod an DTI na dae pa kaipuhang magpaotob nin price cap sa mga barakalon huli nagtitinir pa mang kontrolado asin manageable ang pangkalahatang sitwasyon.
