LEGAZPI CITY—Karsel an bagsak kan sarong lalaki makalihis na makuwaan nin ilegal na badil sa Barangay Guinlajon, West District, Sorsogon City.
Ginibo an pagkakaarestar makalihis an ibanarewas na impormasyon kan sarong concerned citizen na may sarong persona suboot na may pagsadiri asin lantad na nagpapahiling nin badil sa nasabing lugar.
Nakumpiskar sa suspek an sarong caliber .38 revolver na may buradong serial number asin apat na bala.
Kinundusir an operasyon sa pinagsarong operatiba kan Sorsogon City Police Station asin Provincial Intelligence Unit/Special Operations Unit kan Sorsogon Police Provincial Office.
Mientrastanto, nasa kustodiya na kan Sorsogon CPS an suspek asin an mga nakumpiskar na ebidensya para sa magkakanigong disposisyon asin posibleng mahampang sa kasong pagbalgar sa Republic Act 10591 o Comprehensive Firearms and Ammunition Regulation Act.
