LEGAZPI CITY—Binawian nin buhay an sarong indibidwal mantang tolo an nairido sa nangyaring self-vehicular accident sa Barangay Vicente, Castilla, Sorsogon.
Segun ki Castilla Municipal Disaster Risk Reduction and Management Office Head Edgar Ardales, sa intrevista kan Bombo Radyo Legazpi, na pasiring suboot sa Legazpi City an direksyon kan behikulo alagad diniretso suboot kaini an kurbadang parte kan tinampo asin tuminama sa sarong poste.
Dae man matukoy kan opisyal kung napaidlip ang driver o nawara ini sa direksyon mantang nagmamaneho.
Kinundusir an rescue operation sa apat na lunad kan behikulo sa tabang kan saindang opisina, Castilla Fire Station, Bureau of Fire Protection Special Rescue Force asin Castilla Municipal Police Station.
Pagsalaysay kaini na saro sa mga biktima na babae an nakaluwas sa windshield kan behikulo asin saro suboot ini sa mga binawian nin buhay.
Dugang kan opisyal na naggamit suboot sinda nin mga ekipahe nganing matanggal an iba pang naipit na biktima sa nasabing behikulo.
Dugang ni Ardales na wara man suboot na ibang nadamay na behikulo kan mangyari an insidente.
Mientrastanto, abiso kaini sa mga motorista na nag-aagi sa saindang banwaan na kun mahiling na ninda an mga road signages an magluway-luway sa pagmaneho nganing maibitaran an siring na insidente.
