Tinuyaw ni Retired General Romeo Poquiz an timing kan plano kan administrasyong Marcos paghalangkaw sa sahod kan mga military asin uniformed personnel (MUP).
Enot na inanunsyar kan Malacañang an paghalangkaw sa base pay kan mga military asin uniformed personnel puon sa 2026 kun sain sa masunod na tolong bulan an mahalangkaw nin 15% an saindang sahod.
Sa sarong social media post, sinabi kan retiradong heneral na kaipuhang kan mga tropa kan gobierno an pay raise.
Siring man kun ibabarewas ini sa katahawan kan nabuyagyag na korapsyon sa gobiyerno an saro suboot ining loyalty-buying tactic o pagorbar na pagbakal sa katapatan kan mga miyembro nin unipormadong hanay.
Hayagan man sinabi kan dating heneral na aram kan mga suldados an nangyayari.
Enot nang umugong ang isyu mapadapit sa destabilisasyon laban sa presenteng administrasyon kung saen saro si Gen. Poquiz na na suboot parte kan grupong nagbubusol kaini, bagay na dati na man na pinahimutikan kan retiradong heneral.
Kun babalikan an nanindugan man an Department of National Defense na makatwiran sana an paghalangkaw kan sahod kan mga suldados asin kapulisan, asin bako ini sarong paagi nganing bakalon an loyalty kan mga military asin uniformed personnel.
Magkakasunod man na nagpasalamat an Philippine National Police (PNP) asin Armed Forces of the Philippines (AFP) sa nagin lakdang kan presenteng administrasyon.
