Kinumpirmar kan Independent Commission for Infrastructure (ICI) na mademitir na sa pwesto si Commissioner Rogelio ‘Babes’ Singson.
Segun ki Reyes, sinabi saiya ni Singson na dae niya kaya an ‘stressful work’ kan komisyon.
Dugang pa kaini, sagkod sa Disyembre 15 epektibo an resignation alagad pwede pa ining i-extend.
Antes an anunsyo, pigtuga na suboot ni Singson ki Atty. Jacinto “Jing” Paras an plano na maghale sa panel.
Pigtataram na dae na sinda nakuntento sa progreso kan saindang imbestigasyon dapit sa flood control scandal.
Magigirumduman na si Baguio Mayor Benjamin Magalong an pinakaenot na nagdemitir sa pwesto sa komisyon makalihis suboot magkaigwa nin conflict of interest sa saiyang trabaho bilang alkalde.
An Independenteng Komisyon pigmukna ni Presidente Ferdinand “Bongbong” Marcos Jr. sa paagi kan Executive Order No. 94, na pinirmahan kan Setyembre 11, 2025.
An ley na nagin basehan kaini iyo an Constitutional power kan Presidente na magpaluwas nin mga Executive Orders para sa marhay na pamamahala, asin partikularmenteng nakasentro ini sa pag-imbestigar kan mga anomalya asin korapsyon sa mga proyekto pang-imprastraktura, orog na an mga flood control projects kan Department of Public Works and Highways (DPWH) sa laog kan nakaaging 10 taon.
 has confirmed that Commissioner Rogelio 'Babes' Singson will resign from his post. According to Reyes, Singson told him that he could not handle the stressful work of the commission.){kind=link}