LEGAZPI CITY- Mawot kan sarong constitutional law expert na magin matanos an pigigibong case build up sa mga indibidwal na imbwelto sa anomalya sa flood control projects.
Segun ki Atty. Michael Yusingco sa intrevista kan Bombo Radyo Legazpi na dae dapat na pighihidali an pagtipon nin mga ebidensya kontra sa mga akusado huli ta posibleng mauli na naman ini sa pagbasura kan kaso.
Paliwanag kan opisyal na kinakaipuhan na mag-presentar nin bastanteng ebidensya sa korte ngani na dae na makalusot an mga personalidad na imbwelto sa korapsyon.
Segun ki Yusingco na dapat na magin masinop man an Ombudsman sa pigsasagibong imbestigasyon.
Dugang pa kaini na kinakaipuhan man na magin transparent an proseso sa nagpapadagos na imbestigasyon.
