Ipigbubusol kan Department of Health (DOH) an pagpaotob nin nationwide total ban kan vape sa nacion, kasabay kan pagkondena kaini sa pagpapadagos kan mapanlinlang na marketing strategy kan mga vape products.
Nanindugan si Health Secretary Teodoro Herbosa na mas marhay na i-ban na an vape sa Pilipinas.
Segun ki Herbosa, kalimitang pigsasabi na warang nicotine asin pwedesir alternatibo sa sigarilyo an vape, alagad an katotoohan an pano ini nin kemikal asin peligroso an aso asin an mismong aparato kan vape.
Tinuyaw man kan DOH an makokolor na pakete asin manlaen-laeng flavors kan mga vape products na piggagamit suboot nganing mabudol ang mga kajovenesan nganing maggamit kaini.
Susog sa ahensya, basado sa 2019 Global Youth Tobacco Survey, saro sa pitong joven na Pilipino, na edad 13 sagkod 15 anyos an naggagamit nin vape.
Magigiromdomang kan nakalihis na taon nairehistro na an enot na kaso kan nagadan sa Pilipinas huli sa duwang taon na paggamit nin vape.
Pagiromdom pa kan DOH, na nakakagadan an paggamit nin vape asin sigrarilyo huli sa nagkakawsa ini nin cardiovascular disease, cancer asin lung disease.
