LEGAZPI CITY – Ipigbubusol kan tulong darakulang meat exporters gikan sa United Kingdom (UK) an pakikipagtabangan sa mga lokal na kumpanya nganing darahon an saindang mga produkto sa Pilipinas.
Nagpasiring an mga ini sa nacion bilang parte kan trade mission nganing makipag-olay sa presenteng asin posibleng kliyente sa merkado.
Sinambit ninda na an Pilipinas an saro sa pinaka-importanteng destinasyon para sa pork exports kan UK huli sa halangkaw na demand.
Pinabisto man ninda popular an UK meat sa halangkaw na kalidad, traceability, asin sustainability, na sakto sa pangangaipuhanan kan lokal na merkado.
