LEGAZPI CITY-Kinumpirma ni President Ferdinand Bongbong Marcos Jr. ngonian na aldaw na igwa nang warrant of arrest laban kay Dating Ako Bicol Partylist Representative Zaldy Co asin 17 na iba pa hale sa Department of Public Works and Highways asin Sunwest Corporation.
Ipigsugo man kan Presidente sa mga law enforcement agencies na dai na mag-procrastinate nin haloy asin arestaron na an mga imbuelto digdi sa madaliang panahon huli sa nagpapadagos suboot an hsutisya.
Kasunod kan anunsyo, an bukas man suboot an ofisina kan Ombudsman sa issuance kan arrest warrant kay Co asin sa iba pa kun sain basado sa saindang ipinaluwas na statement an pig-welcome ninda asin pigpapaubaya na sa mga law enforcement agencies an pagsasagibo kaini.
Nakahanda man suboot na mag-asiste an Department of Justice (DOJ) sa pag-aresto kay Co asin sa iba pa bilang dugang na tabang susog sa pahayag ni Justice Spokesperson Atty. Polo Martinez.
Sa sarong pahayag ni Acting Philippine National Police (PNP) PLtGen. Jose Melencio Nartatez Jr., binisto man kan Philippine National Police an ipinaluwas na arrest warrant para sa dating kongresista asin sa iba pa kun sain padagos suboot sindang makikipagkoordinar sa Sandiganbayan magin sa iba pang ahensya.
Mientrastanto, naka-deploy naman suboot an Police tracker teams, bilang pagkasa kan manhunt operations para sa dating kongresista asin sa 17 iba pa segun kay Department of Interior and Local Government (DILG) Secretary Juanito Victor ‘Jonvic’ Remulla.
