Inakusaran kan presenteng mambabatas na si Senador Imee Marcos an saiyang tugang na si Presidente Ferdinand ‘Bongbong’ Marcos Jr.
Ini mismo an saiyang ihinayag sa ikaduwang aldaw kan ‘rally for transparency’ kan Iglesia ni Cristo sa Quirino Grandstand, Manila.
Sa ibong kan saiyang mga alegasyon, nanindugan an nagkapirang grupo na dapat iiba digdi an mga ebidensya na pwedeng magpatunay sa mga alegasyon kan mambabatas.
Segun ki Dr. Jose Goitia kan grupong Filipinos Do Not Yield Movement, kinakaipuhan an seryosong pruweba sa mga alegasyon na ipig-aakusar sa Presidente.
Nagtutubod siya na an pag-akusar sa sarong indibidwal o lider kan nasyon na naggagamit nin iligal na droga an bako basta basta sana.
Afuera ki Presidente Marcos Jr., pigdawit man ni Senador Imee Marcos an agom kaining si first lady Liza Araneta Marcos.
Kun kaya pagdoon ninda na kun wara mang supisyenteng ebidensya asin dae magkakanigong idamay an maski sisay man sa mga siring kaining klase nin akusasyon.
