LEGAZPI CITY- Nababantulan si Catanduanes Governor Patrick Azanza sa nagin hiro kan Sangguniang Panlalawigan katakod kan deklarasyon nin state of calamity sa provincia.
Paliwanag kan gobernador sa intrevista kan Bombo Radyo Legazpi na enot ng nagdeklarar nin national state of emergency si Presidente Ferdinand Marcos Jr. kaya dapat na otomatiko ining mairal sa gabos na mga provincia o lokal na gobierno.
Nakalaag suboot sa local government code of the Philippines na oras na an presidente na an nagdeklarar kan national state of calamity, dapat na mag-iral an deklarasyon ngani na mas marikas na makapagtaong asistensya sa mga biktima nin kalamidad.
Alagad an nangyari suboot sa provincia, nagpasar pa sa sarong komiter ngani na pag-adalan an deklarasyon asin paggamit kan quick response fund.
Tinawan duon ni Azanza na kinakaipuhan na marikas na magamit an quick response fund kan provincia ngani na maipaabot tulos sa mga residente an tabang na kinakaipuhan.
Ini urog pang haros bilog na Catanduanes suboot an naapektaran kan bagyong Uwan.
