Nanindugan si dating House Speaker asin Leyte Rep. Martin Romualdez na malinig an saiyang konsensya sa tahaw an mga alegasyon ni dating Ako Bicol party-list Rep. Zaldy Co.
Sa sarong pahayag ngonian na Sabado, sinabi ni Romualdez na wara pang sisay na opisyal, contractor, o saksi an nagtukdo sa saiya nin anumang salang gibo.
An pahayag ni Romualdez an kasunod kan duwang video ni Co, kun saen idinawit niya sinda Romualdez asin Presidente Ferdinand Marcos Jr. sa suboot P100 bilyong budget insertion asin sa mga kickback na ipinadara suboot ni Co.
Nagsayuma man siyang magkomento sa mga akusasyon kan dating kaiba.
Ipigdoon man ni Romualdez an saiyang tiwala sa Independent Commission for Infrastructure (ICI), Department of Justice (DOJ), asin Office of the Ombudsman.
Preparado suboot siyang makipagtabangan sa anumang legal na proseso.
