Ipighayag kan Partido Demokratiko Pilipino-Lakas ng Bayan (PDP-Laban) na mapartisipar ini sa tolong aldaw na hiro-protesta na pinangengenotan kan Iglesia ni Cristo (INC) asin United Peoples Initiative (UPI).
An protesta an laban suboot sa mahewasang korapsiyon kan administrasyon ni Presidente Ferdinand Marcos Jr. na gigibohon sa Metro Manila poon Nobyembre 16 sagkod 18.
Segun ki Atty. Raul Lambino, PDP-Laban Vice President for International Affairs, mapasiring an kadaklan kan saindang miyembro sa People Power Monument sa EDSA, mantang an mga miyembrong INC an ma-atendir sa pagtitipon sa Luneta Park.
Ipigdoon man ni Lambino na bukas ang protesta sa gabos na mawot manindugan laban sa katiwalian nganing maghagad nin paninimbagan sa mga suboot korapsiyon sa manlaen-laeng ahensya kan gobierno.
Mientrastanto, sinabi ni PDP Arbitration Chairman Atty. Jimmy Bondoc na an tolong aldaw na rally an pagkakataon nganing madangog an boses kan publiko asin tinawan-doon na bako ini partisan.
