LEGAZPI CITY – Nagpapadagos na an ipigsasagibong assessment kan Gobierno Provincial kan Catanduanes mapadapit sa ipigwalat na danyos ni Super Typhoon Uwan.
Segun ki Catanduanes Governor Patrick Azanza sa intrevista kan Bombo Radyo Legazpi na i-aasigurar muna ninda an mga lugar nganing tugutan nang makauli an mga evacuees sa saindang mga kaharongan.
Basado man sa inisyan na datos, uminabot na sa labi P100 Million an ipigwalat na danyos sa sektor kan agrikultura mantang pig-aaram pa sa fisheries sector.
Pwedesir pa suboot ining madugangan an nasabing datos urog pang nasa ground ngonian an saindang team nganing aramon an kabilugang danyos sa provincia.
Pigtaram pa kan opisyal na an sarong nagadan huli sa flashflood sa banwaan kan Viga an sarong lalaki, private secretary kan alkalde kan nasabing lugar.
Nagpa-abot man siya nin pasasalamat sa mga nagpa-abot na nin tabang sa saiyang nasasakupan.
Mantang sa mga mawot magpadonar nin tabang asistensya an dae magduwang isip na magdulok asin makipagkoordinar sa saindang ofisina.
Pagsyerto man ni Governor Azanza na siring suboot kan dati, mabuwat sinda hale sa pagkakadapa huli ta arug kaini an sarong Catanduanong oragon.
