LEGAZPI CITY – Nagsagibo nin pagbisita si Albay 2nd District Representative Caloy Loria sa mga evacuation centers nganing aramon an sitwasyon kan mga evacuees.
Segun saiya sa intrevista kan Bombo Radyo Legazpi na mawot niyang masyerto an kamugtakan kan saiyang mga nasasakupan.
Nagtao man suboot siya nin tabang pinansyal sa mga evacuees nganing magkaigwa nin pangkonsumo makalihis na rapaduhon ni Super Typhoon Uwan an rehiyon Bicol.
Nakatalaan mang magpasiring sa iba pang evacuation centers asin apektadong banwaan an saindang mga personahes nganing magtaong tabang sa mga namamanwaan.
Pagsyerto pa kan opisyal na matatawan nin magkakanigong tabang an mga apektadong lugar sa segundo distrito bako sana hale sa saiyang ofisina kundi sa manlain-laing ahensya kan gobierno.
Nagtao na man siya nin kasuguan sa Department of Public Works and Highways para sa marikas na pagsasagibo nin clearing operation.
Pighayag man ni Loria na magsasagibo an saiyang ofisina nin medical mission sa mga apektadong lugar sa nasambitang distrito nganing matawan nin tabang an mga residente na kaipuhan nin medical assistance.
