LEGAZPI CITY—Suminakat na sa pocomas o menos 16,000 indibidwal an nag-ebakwar sa banwaan kan Tiwi, Albay huli sa posibleng epekto kan bagyong Uwan.
Segun ki Municipal Disaster Risk Reduction and Management Office Tiwi Head Manuel Damo, sa intrevista kan Bombo Radyo Legazpi, dakol an nairehistrong evacuees huli sa dakol na residentes an yaon sa hazard-prone areas, landslide-prone areas asin coastal areas kun saen kabale digdi an hararani sa salog partikularmente na sa Barangay Joroan, Barangay Bariis, Barangay Naga asin Barangay Nagas.
Nagdistribuir naman suboot sinda nin inisyal na mga pagkaon para sa mga evacuees kan saindang nasasakupan.
Afuera digdi, nagpaluwas man nin advisory an saindang lokal na gobierno para sa temporary liquor ban asin curfew para sa kaligtasan kan saindang namamanwaan.
Patanid man kan opisyal na magin alerto, magpreparar asin mangadyi siring man na dae maghale sa mga evacuation centers urog na sa kasagsagan kan pangrarapado kan bagyo siring man antes na dae pa nag-aanunsyo nin decampment.
