Ipighayag ni Executive Secretary Lucas Bersamin na bako awtomatikong isusurender kan gobierno kan Pilipinas sa International Criminal Court (ICC) si Senator Ronald “Bato” Dela Rosa en kaso na magkaigwa nin inisyung arrest warrant laban saiya.
Ginibo kan Executive Secretary ang pahayag makalihis hagadan nin reaksyon sa pagbuyagyag ni Ombudsman Jesus Crispin Remulla na igwa nang iniluwas an ICC na arrest warrant laban sa Senador na may kinaaraman sa war on drugs kan nakaaging administrasyong Duterte kun saen nagserbi siyang hepe kan pamabansang pulisya na nag-execute nin nasabing kampanya laban sa iligal na droga.
Segun ki Bersamin, posibleng may inisyung arrest warrant an international tribunal laban sa lehislador alagad kaipuhan pa kaining mai-transmit sa paagi kan International Criminal Police Organization (Interpol).
Ipinaliwanag pa kan Malacañang official na dae na suboot maarog pa siring kan nangyari ki dating Presidente Rodrigo Duterte an magigin proseso sa pag-arestar sa Senador en kaso man maging valid ang arrest warrant.
Ini an huli nag-isyu na suboot an Korte Suprema nin bagong panuntunan mapadapit sa extradition na nagmamandato para sa hearing muna kan kaso sa korte kan Pilipinas bago darahon sa ibang nacion an sarong indibidwal na subject sa extradition.
