Pigsiyerto ni Ombudsman Jesus Crispin ‘Boying’ Remulla na bako sana sa Luzon nakasentro an imbestigasyon sa flood control projects anomaly.
Sa nagin paghahapot kan Bombo Radyo sa nasabing opisyal kun papano makaka-syertong iimbestigaran pati ibang parte kan nacion bansa, sinimbag niya ini sainda man na tututukan.
Kasabay kan isyu sa flood control, kapansin-pansin an epekto kan Bagyong Tino sa Visayas, kun sain may mga tawo na nalubog sa tubig baha.
Kun kaya pagsyerto ni Ombudsman Remulla na warang pigpipiling lugar o geographical area an pagsasagibo nin imbestigasyon kontra sa mga imbwelto sa isyu kan korapsyon.
Pagdoon kaini na kinakaipuhan sana suboot kaini na mapakarhay asin mahigot na imbestigaran maski sain man nangyari an aktong kriminal.
Sa press conference kan Ombudsman, ipinahayag man kan Independent Commission for Infrastructure (ICI) member Rogelio “Babes” Singson an saiyang agrangay asin suhestyon manungod digdi.
Namumundo suboot siya huli ta maabot sa 1.7 trilyon pesos an budget allocation para sa flood control poon 2016 hasta 2025.
Alagad nanindugan ini na kun gigibohon nin tama an flood control master plan para sa 18 major river basins kan nasyon, P800 – P900 bilyones sana an magastos kan gobyerno.
Mientrastanto, pigbuyagyag ni Ombudsman Remulla na saro sa mga pighihiling na rason sa likod kan maanomalyang mga proyekto an suboot inggitan sa Kongreso.
Saiyang ipinaliwanag na may mga kongresista na nagpipirit na magkaigwa nin alokasyon para sa flood control project maski bako ini tama sa saindang lugar.
Huli suboot ini kagustuhan na pantay na pagtrato sa distribusyon kan budget kung kaya maikokonsidera na an nasabing mga proyekto an ginibong negosyo kan mga tiwaling opisyal.
