Nagpadara ngonian na aldaw (Oct. 24) nin forensic investigators an National Bureau of Investigation (NBI) sa opisina kan Department of Public Works and Highways (DPWH) na nasulo kan Miyerkules (Oct. 22).
Ini an nganing magsagibo nin hirarom na imbestigasyon sa electrical connections kan nasabing opisina na pigtuturong pinagpunan kan kasulo.
Segun kay Santiago, inisyal na naaraman kan mga imbestigador na puminutok na multiple octupos connections an pinagpunan kan kasulo.
Sa inisyal na pagsusuri kan mga forensic investigator kan NBI, nagibo nindang maglikom nin kadakol na bagay na posibleng makapagturo kun tinuyo o aksidente sana an nangyaring kasulo.
Sa paagi kan mga naguno na ‘burned materials’, pigsusuri na suboot kan mga NBI chemist kun igwang flammable substance na posibleng ipigbugtak sa lugar bago nagkaigwa nin kasulo.
Kinumpirmar man ni Santiago na igwang mga nasulo na computer sa nasabing opisina, kabale na an kadakol na dokumento.
Siring man, wara pang opisyal na numero na ipigpapaluwas an Bureau of Fire Protection (BFP) na nagsasagibo kan kabilugang imbestigasyon.
Pigsyerto man kan NBI Chief na sa pagsasagibo kan BFP nin imbestigasyon sa lugar an kabale pirmi an mga imbestigador na ipinadara kan saiyang opisina.
 sent forensic investigators today (Oct. 24) to the office of the Department of Public Works and Highways (DPWH) that caught fire on Wednesday (Oct. 22).){kind=link}