LEGAZPI CITY-Tuluyan nang namaaram ang mediaman na si Noel Samar ngonian na aldaw nin Martes Oktubre 21, 2025.
Kinumpirma ini kan Public Information Officer kan Albay Police Provincial Office pasado alas 2 nin pagkahapon basado sa pagdeklara kan attending physician na si Dr. Krisha Zamantha B. Riosa.
Magigirumdumang biktima nin pambabadil sa Guinobatan Albay an nasabing mamamahayag kasuudma, Oktubre 20, 2025.
Si Noel Samar an sarong Radio broadcaster, edad 54, na biktima nin pambabadil mantang pigbabaybay an Maharlika Highway sa Guinobatan, Albay kun sain nagsapo siya nin apat na gunshot.
Sa presente, pigiimbestigaran na kan mga otoridad an nasabing insidente.
