Naka-eksperyensya nin mga panibagong pangha-harass an mga barko asin personahes kan Philippine Coast Guard (PCG) asin Bureau of Fisheries and Aquatic Resources (BFAR) kasubagong aga sa Pag-asa Island na parte kan West Philippine Sea (WPS).
Sa sarong pahayag na ipigheras ni PCG Spokesperson for the West Philippine Sea Commodore Jay Tarriela, ipighayag kaini na nagkaigwa nin ‘minor structural damage’ an naggin komprontasyon kan Chinese Coast Guard (CCG) sa barko kan PCG na BRP Datu Pagbuaya.
Sa ibong kan nagsapo nin minor damages an barko an pigsyerto ni Tarriela na warang nairehistrong mga nakulugan sa pangyayari.
Paghistorya pa ni Tarriela, an BRP Datu Pagbuaya asin an duwang iba pang BFAR vessels an nasa parte kan Pag-asa Island labi 500 kilometro hale sa Palawan bilang proteksyon asin cover kan mga local na parasisira na naghahanapbuhay sa West Philippine Sea kan magsagibo nin mga agresibong aksyon an CCG asin magin an Chinese Maritime Militia vessels sa nasambitang parte kan WPS.
Sa ibong kaini an nanindugan si Tarriela na dae ini naggin rason nganing matakot a magpadara sa mga taktika kan Tsina an saindang mga personahes sa WPS.
Pigsyerto man ni Tarriela na an insidente an nagpatibay sana kan saindang kusog nin boot asin mas makusog na commitment nganing i-otob an saindang mandato na protekataran an teritoryo asin soberaniya kan nacion.
Mientrastanto, nagpromesa man an PCG asin BFAR na dae sinda magpapatinag sa mga harassment kan China asin padagos na magsisirbing proteksyon kan mga parasisira sa nasambitang parte kan WPS.
 and Bureau of Fisheries and Aquatic Resources (BFAR) experienced renewed harassment this morning on Pag-asa Island in the West Philippine Sea (WPS).){kind=link}