LEGAZPI CITY-Kinumpirma kan Department of Migrant Workers (DMW) na nagadan an sarong Pinoy seafarer na sakay kan cargo vessel na MV Minervagracht na inatake mantang nasa Gulf of Aden kan Setyembre 29.
Ipiganunsyo ini ni Migrant Workers Secretary Hans Leo Cacdac na nagadan na an Pilipinong tripulante, na kritikal na nairido huli sa pag-atake.
Nagpaabot man suboot nin pakikidumamaya an kalihim sa naulilang pamilya kan nagadan na Pinoy seafarer.
Magigirumduman na tinamaan kan dai pa matukoy na projectile an cargo vessel na nagresulta kan pagkasulo kaini mantang naglalayag sa Gulf of Aden.
Nailigtas man an 19 sakay kaini na mga crew member kairiba na an Russian, Ukrainian, Pilipino asin Sri Lankan nationals.
Nasa 12 man na mga Pilipino kun sain duwa an nagsapo nin injuries na nagresulta sa saindang pagkagadan.
