Posibleng nagagamit si Cavite Rep. Kiko Barzaga kan pirang grupo para sa saindang makasadiring “political agenda,” segun kay Senate President Pro Tempore Ping Lacson.
Nakisimpatya man an senador sa ina kan mambabatas, si Dasmariñas City Mayor Jenny Barzaga.
Segun kay Lacson, dae suboot magigibo ni Kiko Barzaga an pagpapalakop kan sarong lumang ladawan ni Lacson kabale an mga Discaya kun warang nagtao saiya kan naunambitang ladawan.
Naenot nang pinahimutikan ni Lacson an mga padangog katakod kan ladawan kaiba an mag-agom na Discaya, asin ipigdoon niyang kuwa ini kan panahon kan kampanya, bago pa man nagpoon an imbestigasyon mapadapit sa mga kuwestiyonableng flood control projects.
Sarong supporter hale sa Davao City an nakibale sa mga Discaya nganing imbitaran siya sa sarong political rally, alagad sinayumahan ini ni Lacson.
Dagdag pa kan senador, posibleng an pag-post kan naunambitang ladawan an may obhetong rauton an Senate Blue Ribbon Committee na siyang nagsasagibo kan imbestigasyon sa orolay.
