Pinangaranan ni President Ferdinand “Bongbong” Marcos Jr. si dating Supreme Court Associate Justice Andres Reyes Jr. bilang chairperson kan Independent Commission for Infrastructure (ICI), an lupon na magsasagibo nin imbestigasyon sa maanomalyang flood control projects.
Inihayag ini ni Marcos sa press conference sa Kalayaan Hall.
Magigirumduman na kan nakaaging Sabado, inanunsyar man kan Malacañang an duwang miyembro kan ICI na kinababalehan ninda dating Public Works Secretary Rogelio “Babes” Singson asin Rossana Fajardo, country managing partner sa auditing firm SGV and Co.
Ipigdesignar man si Baguio City Mayor Benjamin Magalong bilang special adviser.
Sa paagi kan Executive Order No. 94, pigsugo an ICI na magsagibo nin imbestigasyon asin adalan an mga ebidensiya, intelligence reports, asin impormasyon, laban sa gabos na government officials, mga kawani, asin iba pang indibidual na imbwelto sa mga anomalya, iregularidad, asin bako tamang paggamit nin pondo sa planning, financing, asin implementation kan government flood control asin iba pang infrastructure projects.
, the board that will investigate anomalous flood control projects.){kind=link}