LEGAZPI CITY-Naarestar an sarong Rank 1 Most Wanted Person Person sa Sto. Domingo Albay makalihis darahon kan Barangay Kagawad sa himpilan kan nasabing banwaan.
Basado sa impormasyon na binisto an suspek na si alyas “Ray”, 18 anyos asin wanted sa kasong Statutory Rape sa irarom kan Article 266 kan Republic Act 8353 na warang pigrerekomendang temporamenteng libertad.
Sa presente nasa kustodiya na kan kapulisan an suspek para sa mga makakanigong proseso.
Mientrastanto, padagos man an kampanya kan kapulisan laban sa krimen asin padagos an saindang pakikipagkoordinar sa mga residente dapit sa pagreport sa mga kahina-hilang aktibidad sa saindang lugar.
