Pigklaro kan Malacañang na si Baguio City Mayor Benjamin Magalong magseserbi sana bilang adviser sa Independent Commission for Infrastructure (ICI) asin bako miyembro kan Commission.
Ini an piglinaw ni Palace Press Officer USec. Claire Castro, urog nang sinabi ni Presidente Ferdinand Marcos Jr. na warang pulitikong magiging parte kan bagong nabilog na Independent Commission.
Sinabi ni Castro na kabale sa pigkonsiderar na bagay an skills asin expertise ni Mayor Magalong na dating PNP CIDG director sa pagkuwa saiya bilang special adviser.
Segun sa Opisyal kan Palasyo, dakula an maitatabang ni Magalong sa saiyang aram asin impormasyon.
An mga impormasyon asin datos na saiyang makukua pwedeng ihiras sa Komisyon.
Pighagad kan Palasyo na tawan nin pagkakataon si Magalong asin pagkakataon na maipahiling sa mga tawo kun pano magserbi sa interes kan publiko.
Mantang an duwang miyembro kan Komisyon, si dating DPWH Sec. Rogelio Singson asin SVG Country Managing Partner Rossana Fajardo, an dae namumulitika kun kaya pinili sinda ni Presidente Marcos.
Kan hapoton kun nyata dae kinuwa an law enforcement officers na magsagibo kan imbestigasyon, dae malinaw an simbag kan Palacio.
 and that he is not a member of the Commission.){kind=link}