Kinumpirma ni Commission on Elections (COMELEC) Chairman George Erwin Garcia na maluwas sinda nin show cause order laban kay Lawrence Lubiano kan Centerways Construction.
Ini makalihis tugaon ni Lubiano sa hearing kan House of Representatives na nagtao siya nin P30M bilang donasyon sa kampanya ni Senador Francis “Chiz” Escudero kan 2022 elections.
Segun ki Garcia, nagluwas man sa Statement of Contributions and Expenditures ni Escudero an nasabing kantidad.
Si Lubiano an enot na kontratista sa 52 na presenteng pigimbestigaran katakod kan posibleng pagbalgar sa campaign finance rules.
Sa ngunyan, nagsurat na an COMELEC sa Department of Public Works and Highways (DPWH) nganing aramon kun may kinaaraman an 52 kontratista sa mga proyekto kan gobyerno.
Pakatapos kaini, saru-saro na pagpapaliwanagon an mga kontratista mapadapit sa saindang mga naging desisyon asin matukoy kun sinda an government contractors.
Kun mapatunayan, an sunod man na papadarahan nin liham an mga kandidatong nagresibe nin donasyon nganing magtao kan saindang salaysay.
Dugang ni Garcia, makalihis magsumiter nin paliwanag si Lubiano, isusunod na si Escudero na papadarahan nin liham bilang parte kan case build-up kan komisyon. Digdi man ibabase kun may bastanteng rason nganing magsunad nin kaso.
Sinabi man ni Garcia na may siyam pang lokal na kontratista na nadugang sa paenot na listahan na may 43 sana.
Sinda suboot an nagtao nin donasyon sa duwang kandidato sa pagka-gobernador asin duwang kandidato sa pagka-bise gobernador kan 2022 elections.
 Chairman George Erwin Garcia confirmed that they will issue a show cause order against Lawrence Lubiano of Centerways Construction.){kind=link}