LEGAZPI CITY-Nagtutubod an Act Teacher’s Partylist na dapat para sa mga classrooms sa sektor kan edukasyon an bilyon-bilyong pondo na nahiling sa ofisina kan Department of Public Works and Highways (DPWH).
Segun kay Act Teacher’s Partylist Representative Antonio Tinio, sa intrevista kan Bombo Radyo Legazpi, na mantang piglalaban kan mga paratukdo an halangkaw n asweldo, dagdag na mga classrooms, mga sadiring laptop asin textbooks, an pirmihang simbag kan gobierno an warang bastanteng pondo.
Tinawan doon man ni Tinio na sa presente, an mga pondong ini an pigdarambong kan mga nasa haralangkaw na posisyon.
Importante suboot na ipaglaban an edukasyon, sweldo asin benipisyo kan mga paratukdo, asin paninindugan laban sa kurapsyon kan mga opisyales na imbuelto digdi.
Nagtutubod man an representative na importante para sa publiko an nagaganap na public interpolations huli sa naaaraman kun gano katindi an nangyayaring plunder sa public infrastructure.
Dugang pa niya na an presenteng interpolations an igwang value sa pagmuklat kan publiko sa edukasyon asin an dagit kan publiko an posibleng magpoon sa pagbabago sa politika.
Babantayan man suboot an pagkakaigwa nin independent commission kun sain dapat na magin transparent man ini sa publiko ngani na maaraman an pandarambong kan mga nasa haralangkaw na posisyon sa mismong kaban kan bayan.
Sinabi pa kan representative na kun iisipon, kwarta ini kan mga tax payers asin kun matino sana an mga nakatukaw na opisyal asin dai piggigibong negosyo an gobierno, an imbes na dapat italaga para sa sektor kan edukasyon.
