LEGAZPI CITY- Uyon an sarong lehislador na dapat na aram kan mga estudyante asin mga school personnel an paggamit sa emergency 911.
Ini an kasunod kan pangapudan ni Interior Sec. Jonvic Remulla sa Department of Education (DepEd) na tukduan an mga estudyante sa paggamit kan nasabing emergency hotline.
Alagad segun ki ACT Teachers Partylist Representative Antonio Tinio sa intrevista kan Bombo Radyo Legazpi na importante man na siertuhon kan Department of Interior and Local Government (DILG) na igwang nagsisimbag sa nasabing hotline ngani na igwang marikas na makapagresponde sa panahon kan emerhensya.
Aminado kaya an kongresista na bako pantay pantay an reyalidad huli sa magkakaibang sitwasyon huli ta bako pa applicable sa gabos an nasabing emergency 911 hotline.
Kasabay kaini, sinabi man ni Tinio na importante na igwang protocol na pigsusunod sa mga eskwelahan sa nacion kun sain aram kan mga paratukdo asin school head kun papano ise-secure an sadiri asin mga estudyante asin an pag-apod sa mga otoridad enkasong igwang huma sa eskwelahan.
