Nakahanda an Department of Justice (DOJ) na isairarom sa state witness program an government contractors na sinda Curlee asin Sarah Discaya enkasong mapatunayang bako “most guilty” an mga ini sa suboot anomaliya sa flood control projects.
Kinumpirma ini ni Senate Blue Ribbon Committee chair Senator Rodante Marcoleta sa pagpapadagos kan motu propio inquiry kan Senate Blue Ribbon sa suboot korupsiyon sa flood control projects ngonian na Lunes, Setyembre 8.
Sa nasabing pagdangog, hinapot ni Senate Committee vice chair Senator Erwin Tulfo si Senate Committee chair Marcoleta sa plano kan komite mapadapit sa idinulok kan mag-agom na Discaya katakod sa huma sa saindang buhay.
Naenot na kayang isiniwalat ni Sarah Discaya sa saiyang sworn statement na “dahil sa peligro ng buhay sa kanilang pamilya, napilitan silang makisama sa kalakaran kahit labag sa kanilang kalooban.”
Huli kaini, nagboluntaryo an Discayas na magin state witness nganing isiwalat an suboot sabwatan sa pagultangan kan mga mambabatas, Department of Public Works and Highways (DPWH) asin iba pang kawani kan gobyerno nganing gibuhon kun ano an tama.
Nag-apela man an mag-agom kay Sen. Marcoleta asin Presidente Ferdinand Marcos Jr. sa pag-protekta sa saindang pamilya.
Segun man kay Sen. Marcoleta, tulos siyang nakipag-koordinar sa ofisina ni Justice Secretary Jesus Crispin Remulla pagkatanggap kan sinumpaang salaysay kan mag-agom na Discaya.
Ipinaabot suboot ni Sec. Remulla na dae dapat mahandal an mag-agom na Discaya huli ta may provisional immunity an mga asin bako basta na sanang uusigon.
 is ready to subject government contractors Curlee and Sarah Discaya to the state witness program in case they are proven not “most guilty” of alleged anomalies in flood control projects.){kind=link}