LEGAZPI CITY-Sinabi kan sarong political analyst na mahihiling an pagigin “hyper-perfomative” kan mga mambabatas sa mga nakalihis na hearing kun sain dai dapat suboot pagtubudan kan mga viewers.
Segun kay Political Analyst Atty. Michael Henry Yusingco, sa intrevista kan Bombo Radyo Legazpi, na naoogma siya asin positibo ini na haros bilog na banwaan an nakatutok sa social media streaming kan mga hearing sa senado alagad, nahihiling suboot an pagigin “hyper-perfomative” kan mga mambabatas kun sain nagpapahiling ini nin oportunidad para sa saindang mga pansadiring imahe asin pigpapaluwas na dai ninda aram an mga nasa likod kan pangayayari.
Nahiling niya man suboot na igwang sala si Senator Marcoleta kun sain dai niya pigtutugutan na i-prosecute an saro sa mga contractor alagad wara minsang otoridad dapit sa mga criminal suspects.
Maogma si Yusingco sa mag impormasyon na naipaluwas alagad dapat na mas ibalik sa outcome kan siring kaining imbestigasyon.
Mawot niya man na madangog sa hearing an magkaigwa nin imrpovement sa proseso orog na sa budget asin kun papano mapupugulan an mga mararaot na gawi an ipigpapahiling sa hearing.
Importante suboot ini orog na bago pa mag-abot an proposed budget sa senado, an igwa nang nagpromisa nin kickbacks na nagin kawsa kan mga insertions sa national budget.
Dagdag pa ni Yusingco na dapat an subject kan hearing an kun papano matugunan an mga gaps sa proseso siring kan mga contractors, dynastic politician, asin bureaucrats na igwang maraot na gawi asin kun papano ini mapugulan ngani magkaigwa nin improvement an hearing.
Duda man suboot siya liwat sa milyon an Pilipinong nagdadangog, an nagpapahiling liwat nagpapahiling na bako man inosente an mga mamababatas alagad complicit man sinda sa mga siring kaini na modos operandi, huli sa maski sinda an nag-iinsert man nin mga budget asin nagpapalaog nin proyekto.
Enot naman dapat na ipagirumdom sa publiko na kun mahihiling ninda an mga mambabaats na ini, an dapat dai ninda pagtubudan huli sa kairiba sinda sa mga maraot na nangyayari.
Dugang pa niya na katuyuhan kan hearing an kun papano maipapauswag an budget process asin kun pano ini mapoprotehiran.
