Padagos na naka-blue alert an dakol na regional office kan Office of Civil Defense huli sa piglalaomang makukusog na pag-uran sa manlaen-laeng parte kan nacion, segun ki Office of Civil Defense spokesperson Junie Castillo.
Basado sa monitoring kan Office of Civil Defense, may posibilidad nin light to heavy rainfall sa nagkapirang rehiyon huli kan habagat, severe thunderstorms asin sarong Low Pressure Area (LPA).
Huli digdi, naka-standby man giraray an mag rescue asin clearing teams, mantang naka-preposition na an relief goods, hygiene kits, asin emergency equipment kan ahensya asin Department of Social Welfare and Development.
Inabisuhan man an mga residentes sa hibabang mga lugar asin flood-prone areas na magtenir na alerto sa posibleng pagbaha.
