LEGAZPI CITY-Iimbestigaran kan Bureau of Customs (BOC) kun nakakabayad ba nin tama an mga imported asin magagarbo na behikulo ni Sara Discaya asin Curlee Discaya.
Makalihis ini na ipahiling ninda sa publiko an koleksyon ninda kan mga luxury cars.
Sinabi ni Bureau of Customs Spokesperson Vincent Philip Maronilla na hihilingon ninda an mga kumpaniy, mga accredited brokers, asin kung anong klase nin importation ipigsasagibo.
Dagdag pa kaini na igwang problema sa declaration kun kaya magsasagibo sinda nin imbestigasyon.
Ipigorgulyo man kan duwa na igwa sindang haros 40 na mga luxury cars.
Magigirumduman na pigako kan duwa na sinda an government contractors na nakakuwa nin P31.5 bilyon na pondo sa flood control projects.
