Ipinagsugo kan Commission on Audit (COA) an pagsagibo nin fraud audit sa mga flood control projects sa Bulacan, bilang parte kan lakdang kan gobierno nacional na panimbagon an mga responsable sa palpak na flood control projects sa manlaen-laen na parte kan nasyon.
An orden hale ki COA Chairperson Gamaliel A. Cordoba, bilang pagsunod sa direktiba ni Presidente Ferdinand R. Marcos Jr. na imbestigaran an mga suboot iregularidad sa flood control program kan gobierno, orog na ngonian na panahon nin habagat kun sain an pagbaha padagos na nagdudulot nin grabeng disturbo sa buhay asin pag-ebakwar kan mga apektadong pamilya.
Sa memorandum na inilabas noong nakaraang Martes, binigyang-diin ni Cordoba na dahil sa seryosong isyung binanggit ng Pangulo hinggil sa pagpapatupad ng mga proyektong ito, partikular sa Bulacan, ang fraud audit ay isang agarang pangangailangan.
Sakop kan audit an mga proyekto kan Department of Public Works and Highways (DPWH) sa Bulacan, sarong lugar na prone to flooding, kun saen nag-alokar an gobierno nin P44 bilyon, an pinakadakulang tipak sa bilog na Rehiyon 3 o 45% kan total na pondo.
Sa kabilogan, an Central Luzon nakaresibe nin P98 bilyon poon Hulyo 1, 2022 sagkod Mayo 30, 2025, katampad kan 18% kan total na P548 bilyon na pondo para sa mga flood control projects sa bilog na nasyon.
Pigsugo man ni Cordoba an gabos na supervising auditors asin audit team leaders sa DPWH District Engineering Offices sa Rehiyon 3 na tulos na isumitir an gabos na katakod na dokumento para sa pagkondusir kan fraud audit.
Ipinagsugo man kaini na magtenir na abilable an mga opisyales na makipagtabangan sa mga audit teams sa anuman na oras.
Dai pa sana nahahaloy, piglansar kan Presidente an website na “Sumbong sa Pangulo” kun saen pwedeng ireport kan publiko an mga posibleng anomalya sa mga flood control projects.
Sa saiyang pagbisita sa Calumpit, Bulacan ngonian na semana, personal na nahiling kan Presidente an sarong proyekto sa salog na pigdeklarar na tapos na sa mga opisyal na report alagad malinaw na dae pa tapos.
 has ordered the conduct of a fraud audit on flood control projects in Bulacan, as part of the national government's move to hold accountable those responsible for failed flood control projects in various parts of the country.){kind=link}