LEGAZPI CITY-Pignegaran ni President Ferdinand Marcos Jr. na puppet state kan Estados Unidos asin mga kaalyado kaini an an Pilipinas.
Katakod ini kan pagtugonn sa mga batikos kan China huli sa pinagsanib-pwersang naval patrol kan India asin Pilipinas sa West Philippine Sea.
Pigtawan doon man kan Presidente na igwang sadiring polisiya an Pilipinas asin dai ini naghihiro para sa iba pang nacion.
Dagdag pa ni President Marcos na obligasyon an pagprotekta sa teritoryo asin kung igwang nacion na handang magtabang siring kan Amerika, Australia, asin Japan, dai niya man suboot ini tatanggihan.
Magigirumduman na sa enot na pagkakataon, nagsagibo nin maritime cooperation activity an Pilipinas asin Indian Navies sa West Philippine Sea, na tinuligsa kan China kung sain inapod man ini kan India bilang sarong third party asin dai dapat suboot makiaram sa sigalot sa mga kadagatan.
Padagos man na tinutuligsa kan China an mga defense cooperation kan Pilipinas sa ibang nacion asin pigkokondusir na isyu sa West Philippine Sea bilang parte kan mas mahiwas na geopolitical tension laban sa Estados Unidos, na mas haloy nang kaalyado kan Pilipinas asin igwang Mutual Defense treaty.
