LEGAZPI CITY—Karsel an bagsak kan sarong persona sa ikinundusir na “Oplan Pagtugis” kan mga otoridad sa Barangay Sula, Bacacay, Albay.
Binisto an suspek na si alyas “Tope”, 41-anyos, may live-in partner, asin residente kan nasambitang barangay.
Naarestar an suspek sa pinagsarong operatiba kan Criminal Investigation and Detection Group Albay Provincial Force Unit, Ligao MLET asin Bacacay Municipal Police Station.
Nahahampang an suspek sa kasong lascivious conduct na may 3 counts asin 2 counts nin qualified rape na parehong warang pigrerekomendyang piyansa.
Nasa kustodiya na kan CIDG Albay Provincial Force Unit an suspek para sa magkakanigong dokumentasyon asin disposisyon.
