LEGAZPI CITY – Napabilib si Department of the Interior and Local Government (DILG) Secretary Jonvic Remulla an disaster risk reduction program kan provincia kan Albay sa isinagibong Static display kan Disaster Risk Reduction LGU Capabilities and Equipmment.
Segun saiya sa pagbisita kaini sa provincia na importante sa disaster risk reduction program an zero casualty asin pre-emptive response kun kaya mawot niya ining gibuhon na model na ipapaotob niya man nationwide.
Saro man sa naipaabot saiya na problema iyo an kakulangan sa makukuwaan nin maiinom na tubig kun kaya pagsyerto niya na ipapaabot niya an problema ki Presidente Ferdinand Marcos Jr. nganing magibuhan ini nin magkakanigong aksyon.
punto niya man na bako bawal sa paggamit kan mga eskwelahan bilang evacuation center kundi naggigibo sana sinda nin lakdang nganing dae na ini magamit tuyong panahon nin kalamidad.
Pigsabi pa kan kalihim sa mga City and Municipality Mayors asin pirang opisyal kan Provincial government na makipagtabangan sa sainda huli ta mawot ninda na magkaigwa nin symbiotic relationship an mga LGU asin DILG.
Inomaw man kaini an mga alkalde huli ta aktibo an mga ini pag-abot sa disaster risk reduction and management.
Pinaliwanag man ni Secretary Remulla na an saindang ahensya na an nagsuspende kan klase sarong aldaw bago an maurang panahon huli ta ini an saiyang nanudan kan mangrapado an Bagyong Kristine kan nakaaging taon.
 Secretary Jonvic Remulla impressed the disaster risk reduction program of the province of Albay with the static display of the Disaster Risk Reduction LGU Capabilities and Equipmment.){kind=link}