Nagkawsa nin takot sa mga residentes kan Barangay Mandaragat, Puerto Princesa City, Palawan kan mahiling an nagkapirang mga jovenes na nag-aaktong garo “zombies” makalihis na magsigarilyo nin dae pa aram na substansya na inaapod na “tukaw.”
Sa nag-viral na video, mahihiling an tolong jovenes na nakakaeksperyensya nin pagkulog asin pagkumbulsyon sa gilid kan tinampo.
Segon sa mga awtoridad, antes pa man ini mangyari, nahiling nang nagsisigarilyo an grupo.
Alagad dai nahaloy—nagbago an saindang hiro.
Tulos man na dinara sa ospital an mga biktima para sa tulos na atensyon medikal.
Segun sa report, an “tukaw” sarong klase nin herbal na materyal na pigtutubodan na hale sa Vietnam.
Dai pa malinaw kun anong kemikal o substansya an laog kaini.
