Senator Imee Marcos and her fellow “Duterte senators” Christopher Go, Ronald Dela Rosa, and Robinhood Padilla will not attend President Ferdinand Marcos Jr.'s fourth State of the Nation Address (SONA).

Dai maatendir si Senador Imee Marcos asin an saiyang mga kapwa “Duterte senators” na sinda Christopher Go, Ronald Dela Rosa, asin Robinhood Padilla sa ika-apat na State of the Nation Address (SONA) ni Presidente Ferdinand Marcos Jr.

Segun ki Marcos, naenot na an saiyang schedule sa paghatod nin nutrisyon, pagkakan, asin school supplies sa mga estudyanteng apektado kan bagyong Crising.

Ipigsuhestyon niya an paggibo nin sarong kongkretong “to-do list” para sa masunod na taon na dapat magtutok sa seguridad sa pagkakan, pagkontrol kan baha, salud, asin edukasyon.

Mientrastanto, sinabi ni Senador Robinhood Padilla na simbolikong protesta an saiyang dae pag-atendir kontra sa pagdakop asin pagkulong ki dating Presidente Rodrigo Duterte sa irarom kan International Criminal Court.

Mientrastanto, si Senador Bong Go an enot na nagpaluwas nin paliwanag sa saiyang dae pag-atendir.

Segun ki Go, nakakaeksperyensya siya nin Sever Back spasm na kaipuhan na ipa-check kan Doktor huli ta posibleng maggrabe pa ini asin makaapektar sa saiyang trabaho.

Pigduon kaini na dawa mayo siya sa Batasang Pambansa para personal na magdangog sa State of the Nation Address kan Presidente, dadangugon niya ini sa paagi nin ibang paagi huli ta parte ini kan saiyang mandato bilang Senador.