LEGAZPI CITY-Nangangapudan an Cambodia nin tulos na ceasefire sa Thailand makalihis na magpoon an labanan sa pagultanan kan duwang nacion kan Huwebes, Hulyo 24.
Ipinaabot ini ni Cambodian ambassador Chhea Keo kasunod kan emergency meeting kan United Nation Security Council sa New York, na inatendiran kan mga kinatawan kan Cambodia asin Thailand.
Sinabi man kan envoy na umaapela na an Cambodia para sa mapayapang solusyon sa labanan ninda kan Thailand.
Pignegaran naman kan envoy an akusasyon na an Cambodia an umatake sa Thailand asin pinaliwanang na mas sadit an saindang nacion asin warang air force.
Ipinaapod man kan konseho an duwang kampo ngani magpahiling nin maximum restraint asin resolbahan an iriwal sa paagi kan diplomatikong solusyon.
Sa presente, nagresulta na sa pagebakwar kan labi 138,000 katawo hale sa border regions kan Thailand na ikinagadan kan 15 katawo basado sa health ministry kan nacion kung sain nasa 14 digdi mga sibilyan asin militar asin nasa 46 an irido kairiba na an mga militar.
Nagpoon an iriwal kan duwang nacion huli sa shared border na nasa 800 kilometers, na sarong border disputr poon pa kan taong 1907 map na nabilog sa panahon kan kolonyalismo kan Pransiya kung sain an nasambitang mapa an ginamit ngani ihiwalay an Cambodia asin Thailand.
Ginamit man kan Cambodia an mapa bilang basehan sa pag-ako kan saindang teritoryo, na dai man pigtutubudan kan Thailand asin nagsabing bako makatotohanan an mapa.
